1613 жылы Францияның Дофине аймағынан алып адамның қаңқасы табылды
1613 жылы Францияның Дофине аймағынан алып адамның қаңқасы табылды. Қабірден шыққан тиындар мен Teutobochus Rex деген жазу бұл алып денесімен аты шыққан тевтон көсемі Тевтободтың бейіті екенін аңғартты. Рас, V ғасырдағы христиан теологы Павел Орозий тевтондар басшысының тұтқынға алынғанын жазып, римдіктердің тұтқынның зорлығына таңғалғанын айтқанда, Тевтобод мұндай алып болған шығар деп ешкім ойламаған еді: бойы шақырым сегіз метрге жуық, иығының ені үш метр!
Табылған олжа туралы хабар бүкіл елге лезде тарады, кереметті тіпті ХІІІ Людовиктің сарайына дейін жеткізді. Алып жайлы бірнеше ғылыми еңбек жарық көрді, онда, мысалы, оның жас бұқаны түгел жеп қоятыны және алты атты арбамен жүретіні айтылды. Жалпы, Францияда бір кезде осындай алыптар өмір сүрген деген жайға аз адам таңғалды: халық Інжілдегі бойшаңдарды да, Еуропаның басқа да жұтқыншақ дәулері туралы аңыздарды да еске алды. Қаңқаны елді аралатып, Фландрия мен Германияда көрсетіп, біраз ақша тапты.
Жартылай аңызға айналған алыптың табылуына деген жалпы қуанышты бірер күмәншіл ғана бөліспеді. Анатом Жан Риолан мен антиквар Фабри де Пейреск күмәндана бастады. Біріншісі адам мұндай ірі бола алмайды, ал қаңқа белгілі бір жағдайда адамның қаңқасына ұқсайтын піл қаңқасына көбірек ұқсайды деп тұжырымдады. Екіншісі қазба кезінде табылған тиындардың Тевтобод өмір сүрген уақытқа сәйкес келмейтінін, ал латынша жазу германдықтардың бейіттеріне мүлде тән еместігін анықтады. Сенімсіздіктен namысына тиген ғылыми қауым сынаушыларға ашулы памфлеттермен тап берді, айтыс тікелей қорлауға дейін барып, онжылдықтарға созылды. Тек екі ғасырға жуық уақыттан кейін ғана француз табиғат зерттеушісі Жорж Кювье бұл алыпты Ганнибал пілінің қаңқасы деп атады, ал зоолог Дюкроте-де-Бленвиль 1834 жылы сүйектердің басқа ешкімдікі емес, шамамен 2 млн жыл бұрын жойылып кеткен ірі тұмсықты Deinotherium giganteum-ға, яғни динотерийге тиесілі екенін сенімді түрде анықтады. Өкінішті, әдемі мистификация болған екен
