Норфолк (Ұлыбритания) тұрғыны Барбара де Дожа 1973 жылы Беллуно қалалық мұражайынан (Италия) ұрланған Антонио Соларионың «Нәрестелі Мадонна» картинасын қайтарудан бас тартып отыр, деп хабарлайды Артгид
Бір кезде де Дожа ханымның күйеуі туындының шығу тегінен бейхабар күйде оны сатып алған. Интерполдың тізімінде тұрған картина иесі оны 2017 жылы аукцион үйі арқылы сатуға әрекеттенгеннен кейін байқалды. COVID-19 індетіне байланысты итальяндық билік құжаттарды белгіленген мерзімде тапсыруға үлгермеді, сөйтіп туынды де Дожаға қайтарылды. Енді ол шығарманы беруден бас тартып, оның толық құнын төлеуді талап етіп отыр, ал құқық қорғау органдары қылмыстық іс қозғай алмайды, өйткені де Дожаның өзі қылмыс жасаған жоқ. Сонымен бірге бірде-бір заңды аукцион үйі ұрланған картинамен айналысуға бармайды.
