Цестий пирамидасы: Римдегі б.з.б. 18-12 жылдары салынған ежелгі рим мавзолейі

Цестий пирамидасы: Римдегі б.з.б. 18-12 жылдары салынған ежелгі рим мавзолейі. Бұл мазарда ықпалды рим магистраты әрі абыз Гай Цестийдің сүйегі жерленген.

Пирамида биіктігі 36 метр, мәрмәр қапталған бетон құрылыс.

Цестий пирамидасы бүгінгі күнге дейін сақталды, өйткені ІІІ ғасырда оны Аврелиан қала қорғаныс қабырғасына тірек мұнара ретінде қоса салып жіберген. Ал орта ғасырларда пирамидада Римнің негізін қалаушылардың бірі Ремнің сүйегі жатыр деген аңыз тарады.

Олай болса, Ромул қайда жатқан? Ватикан маңында тағы бір пирамида болған, биіктігі 32 метр, оны халық «Ромул пирамидасы» деп атаған. Шындығында онда не консул Сципион Африканскийдің, не Корнелий Галлдың сүйегі жатуға тиіс еді. Бұл пирамида өз кезінде қорғаныс құрылыстарының бір бөлігі болмағандықтан, XVI ғасырда оны Әулие Петр соборына мәрмәр алу үшін бұзып тастады.