Мысық ақынның жүрегін жеп қойды

Жерлеу рәсімдерінің ең оғаш тарихтарының бірі ағылшын ақыны Томас Гардидің 1928 жылғы жерлеуіне телінеді.

Гарди 87 жасқа дейін өмір сүрді. Денесі өртелді, ал күлі Вестминстер аббаттығындағы Ақындар бұрышына, Чарльз Диккенстің жанына қойылды.

Жүрегін болса, Гардидің сүйікті жары Эмманың Дорсеттегі бейітіне жерлеу үшін кесіп алған екен, бірақ кесілген жүрек үстелде жатқанда, оны мысық сүйреп әкетіп, жеп қояды. Нәтижесінде мысықты Эмманың қасына жерледі, жүрек оның ішінде деген ойменен.

Бұл оқиға газеттерде Гарди қайтыс болғаннан кейін бірнеше жылдан соң пайда болды, әрі анекдот ретінде көбірек таралды, сондықтан оның рас-өтірігі, әрине, үлкен күмән тудырады. Жүз жыл ішінде аңыз көптеген нұсқалар мен қосымшаларға толып кетті, мысалы, үй қызметшісі мысықты сол бойда тұншықтырып өлтірді дейді: мысықтың бірнеше жылдан кейін өз ажалынан өлуін күтіп отырмаған ғой.

Алайда Гардидің өмірбаяншылары мифті бәрібір терістейді және жүректі жеген мысықтың болмағанын, жерлеу рәсімінің әдеттегідей өткенін айтады.