Дональд Трамп Ұлыбританияға жақында жасаған мемлекеттік сапары кезінде король Чарльзге американ-британ әскери ынтымақтастығын бейнелейтін сыйлық ұсынбақ болған
Бұл мәселемен Трамп әкімшілігі Канзас штатының Абилин қаласындағы Эйзенхауэрдің Президенттік кітапханасы мен мұражайына жүгінді. Мекеме қорында, атап айтқанда, 1947 жылы Эйзенхауэрге Нидерланд королевасы Вильгельмина сыйлаған семсер сақтаулы. Алайда кітапхана бұл да, басқа да түпнұсқа жәдігерді беруден бас тартып, барлық заттар АҚШ-тың меншігі екенін қадап айтты. Нәтижесінде Трамп корольге Эйзенхауэрдің Вест-Пойнтта оқып жүрген кезіндегі офицерлік қылышының көшірмесін сыйлады.
Көп ұзамай кітапхана директоры Тодд Аррингтон АҚШ Ұлттық мұрағаты басшылығының нұсқауымен отставкаға кетуге мәжбүр болды. Аррингтон одан кетуін өтінгенін растап, бұны «сенімнің жоғалуымен» түсіндірді.
Ұлттық мұрағат та, Ақ үй де пікір білдіруден бас тартты.
