Өткен жылы Прадо мұражайы «Колосс» картинасын Франсиско Гойяның 1808-12 жж. туындысы деп қайта атрибуциялады
Өткен жылы Прадо мұражайы «Колосс» картинасын Франсиско Гойяның 1808-12 жж. туындысы деп қайта атрибуциялады. Қолын түйген жалаңаш алып пен оның алдындағы тым-тырақай қашқан адамдар алқабы өнертанушылардың пайымынша, наполеондық армияға қарсы күрестің символы болуы мүмкін. Осы нұсқаға сенсек, тау артынан көтерілген алып Пиренейде бас көтеріп, отаны үшін жалаң қолмен шайқасуға әзір испан халқы болып шығады. Сюжет Хуан Баутиста Арриасаның 1810 ж. жазылған «Пиренейлік болжам» поэмасын қайталайды. Жалпы, испан патриоттық поэзиясы отанын қорғайтын алып-батырлар бейнесіне жиі жүгінеді. Жау, болжам бойынша, көрініс аясынан тыс, бейбіт тұрғындар бойлай қашып құтылатын тау қыраттарының арғы жағында тұр. Бір ғана қозғалмайтын фигураны байқауға болады: бұл бір орнында тұрған есек, ол не соғыс сұмдықтарын түсінбеуге меңзейді, не ешқандай шара қолданбайтын қатып қалған ақсүйектерді бейнелейді. Басқа нұсқалар бойынша, алып Наполеонға қарсы тұрған испан монархиясын білдіруі мүмкін, бірақ оның біліксіздігі мен менмендігін ескерсек, бұл неғайбыл
