Нигер Sotheby’s аукционында 4,3 млн долларға сатылған марс метеоритінің экспортын тергей бастады
Шілдеде Нью-Йорктегі Sotheby’s аукционында 4,3 млн долларға 2023 жылы Нигер аумағында табылған марс метеориті сатылды. NWA 16788 деп аталған бұл тас аукцион тарихындағы ең iрi марс метеориті болды.
Жуырда Нигерде олжаның табылу және әкетілу мән-жайына қатысты тергеу басталды: оны тапсыру мен экспорттаудың заңдылығын анықтау көзделіп отыр. Sotheby’s лоттың сатып алушысы туралы да, метеориттің аукционға қалай түскені туралы да мәлімет бермейді, сонымен қатар экспорт пен сату қолданыстағы рәсімдерге сәйкес жүргізілді деп мәлімдейді.
