Эрмитажда 29 қыркүйекке дейін «Археологиялық феномен

Эрмитажда 29 қыркүйекке дейін «Археологиялық феномен. Өткен мен болашақтың арасында» көрмесі өтіп жатыр. Бүгін көрменің бас куратарымен, Эрмитаж Шығыс бөлімінің аға ғылыми қызметкері Наталья Сутягинамен сұхбат жарияланды. Әңгіменің ең қызықты тұстарын бөліп көрсетуді жөн көрдім.

Мемлекеттік Эрмитаж қорларында органикалық материалдардан жасалған, өте жақсы сақталған бұйымдар көрсетілген екі археологиялық коллекция бар. Бұл Пазырық және Ноин-Ула қорғандарынан табылған олжалар жинағы.

Көрме экспозициясына негізінен Эрмитаждың ноин-ула коллекциясындағы, яғни 1924–1925 жылдары П. К. Козлов басшылығымен жүргізілген экспедиция кезінде табылған бұйымдар енді, оларды бұған дейін көпшілікке көрсетпеген. Тек жекелеген экспонаттар ғана ресейлік және халықаралық көрмелерге қатысқан.
Мұнда көшпенділер тұрмысының тура этнографиялық деуге келетін егжей-тегжейін көруге болады. Археология үшін бұл ерекше жағдай.

Көрмені безендіруде археологиялық қазбалардың ауқымды форматтағы фотосуреттері пайдаланылған, сондай-ақ қазбаға қатысушылардың алғаш рет көрсетіліп отырған жеке және жұмыс күнделіктері 1920-жылдар дәуіріне енуге, қазба түбіне түсуге (Құдай сақтасын), не таулы алқапқа шығуға, не болмаса бумаларға салып дәл осы витриналарда жатқан бұйымдарды тасып келе жатқан шығар деген керуенмен бірге жүруге мүмкіндік береді