Британ мұражайы Ниневия кітапханасын осылай көрсетеді
Патша Ашшурбанипалдың аңызға айналған кітапханасын 1849 жылы ағылшын Остин Генри Лэйард тапты. Ол Евфрат жағасындағы солтүстік-батыс сарайда сақталған алып кітапхананың бір бөлігін қазып алып үлгерді. Сөйтіп дәуірлік олжаны түгелдей Англияға әкелді: шумер және аккад тілдерінде қатарласа жазылған 25 мыңнан астам сына жазулы сазды тақтайша.
Бүгінде сына жазулы мәтіндердің ең белгілі кітапханасының басым бөлігін ғалымдар шифрын ашып, оқып үлгерді.
Ағылшындарды мәдени құндылықтарды алып кеткені үшін сынағанды жақсы көретіндерге және Британ мұражайы Айды да ұрлап кетер еді деген әзілдің жанкүйерлеріне бір сұрақ қойғымыз келеді: егер бұл кітапхана Ирак аумағында тұрса, оның тағдыры не болар еді? Мысалы, Ниневияға кіре берісте мыңдаған жыл тұрған, қазіргі Ирактың Мосул қаласының маңындағы «Құдай қақпасын» содырлар 2016 жылы тап-тауыр жойып жіберді. Пальмира ескерткіштері де, салтанатты арка да, Аллат арыстанының мүсіні де, жерлеу мұнаралары да, Баалшамин мен Бел ғибадатханалары да сол қорлыққа ұшырады
