2025 жылғы 1 қыркүйектен бастап Ресей мектептерінде шет тілдерін оқуға арналған сағаттар қысқара бастайды

2025 жылғы 1 қыркүйектен бастап Ресей мектептерінде шет тілдерін оқуға арналған сағаттар қысқара бастайды. 5–7-сыныптарда сабақ саны аптасына үштен екіге дейін азаяды, ал 5–9-сыныптарда пән бойынша жалпы сағат саны 510-нан 408-ге дейін төмендейді.

Жаңалық ағылшын, француз, испан және қытай тілдерін 2025 жылдан бастап-ақ қамтиды, ал неміс тілі сабақтарының қысқаруы кейінірек, 2026/27 оқу жылынан бастап күшіне енеді.

Ресей Білім министрлігі бұл өзгерістер «жүктемені оңтайландыруға және оқу уақытын ұтымды бөлуге» байланысты екенін түсіндірді. Шет тілі сабақтарының бір бөлігінің орнына сабақ кестесінде жаңа пән, яғни «Ресейдің рухани-адамгершілік мәдениеті» пайда болады. Курс міндетті болады: 5-сыныпта оған 17 сағат, 6–7-сыныптарда 34 сағаттан бөлінеді.

Жаңа пәнге арналған оқулықты Мәскеу педагогикалық мемлекеттік университеті Орыс православие шіркеуінің қатысуымен әзірлеп жатыр.