Ридли Скотт өзінің «Наполеон» фильмін тарихты бұрмалады деп айыптаған сыншыларға жауап берді

Ридли Скоттың француз радиосына берген сұхбатын тыңдадым. Тарихшылардың оның жаңа фильмін жерден алып, жерге салған сынының дауылы туралы сөз қозғалғанда, режиссёр қысқа қайырды: «Сіздер қайдан білесіздер? Сіздер ол жерде болған жоқсыздар ғой».

Түптеп келгенде, ол өзінің тарихи суретінің қате шығуын және сценаристер тобының жұмысындағы кейбір олқылықты ақтау үшін өте күлкілі сылтауға жүгінді. Шағын бұрмалаулар мен екпіннің ауысуы кино өндірісінің әдеттегі шығыны екенімен келісемін, әсіресе Наполеонның өмірі сияқты саяси мәні зор оқиғалар туралы болғанда.

Бірақ аңқау «сіздер ол жерде болған жоқсыздар» деген сөз барлық тарихи ізденісті жоққа шығарады да, киногерлерге ойдан шығаруға жалпы рұқсат қағазын береді. Ашығын айтқанда, бұл ең жақсы ақталу емес, «қандай микробтар? сіздер оларды көрдіңіздер ме?» дегенмен бірдей. Біз көрмедік, бірақ мұны ғылым дейді, жолдас Скотт.