Францияда Ми-Карем: кір жуушылар мерекесі және 1930 жылдарға дейінгі патшайымдар сайлауы

Католиктердің Ұлы ораза ортасы француздардың карнавалға айналған Ми-Карем мейрамымен тұспа-тұс келетін, Парижде және оның маңында бұл көмір тасушылардың, су тасушылардың, кір жуушылар мен студенттердің шерулерімен байланысты өте ауқымды мерекеленетін. Шерулер, шолулар, той-думандар, би кештері, сауық кештері, карусельдер, салюттер, иллюминация, бульварлар гүл мен әшекейге малынған.

Ең қызығы, мейрамның әйелдерге қатысты жағы, ал оның шарықтау шегі Ми-Каремге қатысатын әр аудаудан және елді мекеннен сайланған патшайымдардың шеруі болатын. Шын мәнінде, Кір жуушылар мейрамы мен Патшайымдар шеруі көп жылдар бойы француз әйелдерінің сайлауға қатысуының және сайлана алуының бірден-бір мүмкіндігі болды: әйелдер патшайымдарды сайлап, өздері де сайланған патшайым атанды.

Кір жуушылар патшайым болатын: оларды келбетіне, жүзінің көркемдігі мен бой-тұлғасының келісімділігіне, еңбекқорлығына, отбасының абыройлылығына, көңілділігі мен мінез-құлқының ибалылығына қарап сайлайтын. Кір жуу саласының өзі қала өмірінің құрылымында айтарлықтай орын алды, тек Парижде ғана оған кір жуушылардан бастап үтіктеушілерге дейінгі бірқатар мамандықтағы жүз мыңнан астам адам тартылған еді.

1930-жылдарға дейін Францияда католиктік оразаны тойлау айқын әйелдік сипатымен ерекшеленіп, қоғамды христиандық құндылықтар, еңбекқорлық және әртүрлі тап өкілдерінің ынтымағы төңірегінде біріктіретін. Алайда одан әрі, XX ғасырда және бүгінгі күнге дейін, сол әсем мерекеден ештеңе қалмады