Exploring Abandoned Mines арнасы шахталардан 1880-жылдардағы сегіз джинсы шалбар тапты

Өте керемет шоу таптым: «Тасталған шахталарды зерттеушілер». Энтузиастар тобы Солтүстік Американы шарлап, жойылуға, жермен-жексен етілуге және ұмытылуға үкім етілген ескі шахталарды іздейді. Зерттеушілер ұмытылған туннельдер мен құдықтардың ең түбіне түсіп, шахтерлер жүз жыл бұрын тастап кеткен заттарды іздейді.

Мәселен, осы шығарылымда іздеушілер 1880-жылдардың 8 жұп джинсын қазып алған.

Есіңізде ме, он шақты жыл бұрын 1879 жылғы Levi's-тың бір жұбы аукционда жүздеген мың долларға саудаланған еді. Ескі джинсылар шынымен де осындай сомаларға дейін қымбаттай алады, әсіресе ескі құрғақ шахталарда ғана кездесетін осындай сақталған күйінде. Levi's компаниясының бағалауы бойынша, дүние жүзінде олардың фабрикаларында жасалған XIX ғасырдың толыққанды джинсылары жүзден аспайды, ал коллекционерлер олар үшін едәуір ақша төлеуге дайын. Тіпті өндірушінің өзі кейде бір-бір үлгіні өз мұражайына алу үшін саудаға қосылады, айтпақшы, джинсы сирек бұйымдарының иелеріне өз сайтында қуана кеңес береді.

Американың шахталарынан неге дәл джинсы табылады? Және бұл өліктен шешіп алынған киім болып саналады ма? Гәп мынада: джинсы ауыстырмалы жұмыс киімі болған, сондықтан жер бетіне шыққанда шахтерлер артық жүк пен қажетсіз кірді жоғарыға көтермеу үшін киімдері түйілген түйіншегін көбіне төменде қалдырып кететін. Сөйтіп, бір сәтте жұмысшылардың «қалдырған» заттары иесіз қалып, шахтаның басқа да құрамымен бірге іріп-шіри берген.

Хабарда көрсетілген 120 жылдық шалбарлардың 3 жұбын Levi Strauss жасаған, қалғандары: Stonghold, Triumph және Pacifico. Міндетті түрде қараңыздар, дизайны қазіргіден дерлік айырмашылығы жоқ. Расында да ғасырларға жетер өнертабыс. Олардың кейбірі сатылуы мүмкін, кейбірі Exploring Abandoned Mines ютуб-арнасының өз мұражайына барады, ол Канададағы Британ Колумбиясындағы Гранд-Форкс қалашығында тегін кіруге ашық.