Канн кинофестивалінің екінші аптасында бірнеше елеулі фильмнің премьерасы өтті
Канн кинофестивалінің екінші аптасында бірнеше елеулі фильмнің премьерасы өтті. Кинотанушы Андрей Плахов «Коммерсант» газетіне жазған мақаласында солардың ішіндегі ең күтілгендері туралы әңгімелейді.
Кирилл Серебренниковтің «Йозеф Менгеленің із-түзсіз жоғалуы»
Бағдарламадан тыс Кирилл Серебренниковтің «Йозеф Менгеленің із-түзсіз жоғалуы» фильмі көрсетілді. Ол француз жазушысы Оливье Гезенің кітабына негізделген. «Лимоновтан» кейінгі Серебренниковтің шет тіліндегі екінші фильмі бұл.
Фильм нацистік дәрігердің Оңтүстік Америкаға қашқаннан кейінгі өмірі туралы: ол сонда көп онжылдықтар бойы, өлгенге дейін, әділ сот пен Израильдің кек алуынан тығылып жүрді (білмейтіндер үшін айтайық, Екінші дүниежүзілік соғыс кезінде Йозеф Менгеле Освенцимде қызмет атқарып, адамгершілікке жатпайтын тәжірибелер жүргізген, тұтқындарды газ камераларына жіберіп отырған).
Басты рөлдегі Аугуст Дильдің ойыны ерекше атап өтілді. Оның бейнесі күрделі, адами қасиеттерден де құралақан емес, сондықтан тіпті де үрейлі.
Уэс Андерсонның «Финикиялық схема»
Уэс Андерсонның жаңа жұмысы «Финикиялық схема» сабырлы қабылданды. Режиссёр өзінің сәнді де нақтылап өлшенген стилін жалғастырып, фильмді өзекті taқырыптарға меңзеулермен толтырған. Гильермо дель Торо магнат Корда рөлін сомдайды, оның тарихы мифологиямен және түстермен өрілген, онда Билл Мюррей, Уиллем Дефо және Шарлотта Генсбур ойнаған кейіпкерлер пайда болады. Кейбір сыншылар фильмнің визуалды стилінің Сергей Параджановтың туындыларына ұқсайтынын байқады.
Жюлия Дюкурноның «Альфа»
Бұрын «Титан» фильмі үшін «Алтын пальма бұтағын» алған Жюлия Дюкурноның «Альфа» фильмі үміт ақтамады. 1990 жылдардағы Францияда ЖИТС төңірегіндегі үрейге тап болған он үш жастағы қыздың оқиғасы жеткілікті сенімді көрінбейді. Фильм созылыңқылығы және қалыптасып қалған штамп бейнелерді қолданғаны үшін сынға ұшырап жатыр.
