Шығыс мұражайы «Не слитно, не раздельно» атты ГЭС-2 көрмесіне, археология мен модернизмнің байланысы және өнердің археологтар жұмысының тетіктерін қалай ой елегінен өткізе алатыны жайлы көрмеге, Хорезм археологиялық-этнографиялық экспедициясының қазба жұм
Хорезм экспедициясы 1937 жылдан 1991 жылға дейін жұмыс істеді және Орталық Азия шөлдерін суландырудың кеңестік бағдарламасымен байланысты болды. Көрме бір жағынан орыс ғалымдарының Орта Азия өңірінің дамуына қосқан үлесін көрсетсе, екінші жағынан болашаққа қарай жылжи отырып, өткенге көз тастаудың мәңгілік тақырыбын алға тартады. Археологиялық материалдарды, жоспарларды, эскиздерді, сызбаларды, құжаттар мен экспедиция туралы естеліктерді қазіргі заманғы өнер толықтырады: ол көрсетілген экспонаттарды, Шығыс эстетикасын және өткен заман бейнелерін қайта пайымдайды.
Бірегей ғылыми экспедицияның тарихына қатысты жүздеген құжатты көруге болады, бірақ шынын айтқанда, көрмені аралағанда қандай да бір тарихи немесе ғылыми контекст қалыптаспайды, керісінше Орта Азияның кеңестік кезеңінің тақырыбына, археологтардың зиялылық рухына, Ұлы даланың бейнелері мен көнемен тірі байланысқа бойлай беретінсің, бұл байланыс заманауи ирригациялық жобаларды жоспарлау аясында пайда болғанымен, тағдыры ауыр болды.
Атмосферадан, дыбыс пен түс құрамдас бөліктерінен бөлек, мұрағаттар мен шаң басқан қорлардан ешқашан шықпайтын суреттерді, жоспарлар мен сызбаларды көру мүмкіндігі әсер қалдырады. Ал көп жыл бұрын кеңестік Шығыстың басқа болашағы туралы армандаған адамдардың естелік үзінділерін тыңдау айрықша көңіл қуантады.
