Қытайдың оңтүстігіндегі үңгірлерден табылған Homo erectus tістері оның тропикалық орманда өмір сүргенін көрсетті
Бұл қытайлық хомо эректустың тістері
Халықаралық зерттеушілер тобы жуырда Homo erectus осыдан 324–184 мың жыл бұрынғы кезеңде Қытайдың оңтүстігіндегі қалың тропиктік ормандарда өмір сүргенін анықтады. Бұған дейін бұл уақытқа қарай ол өңірден кеткен деп есептеу қалыпты болатын. Сонымен қатар зерттеушілер тік жүретін адам ашық шөпті жазықтар мен сирек ормандарға тәуелді болған, ал жаңбырлы тропиктік ормандарда тек қазіргі адам ғана аман қала алған деп ойлаған.
Авторлар бір-бірінен шамамен 14 км қашықтықта орналасқан, тропиктік өсімдікке көмкерілген тік әктасты төбелердің арасындағы Басянь және Насянь үңгірлерінен сегіз тіс пен басқа да сүйектік қалдықтарды зерттеді. Табылған заттардың Homo erectus-қа тиесілі екенін анатомиялық белгілері мен генетикалық сипаттамалары бойынша анықтады, ал жасын үңгір шөгінділері мен оларды қоршаған минералды түзілімдер арқылы белгіледі. Стронций изотоптарын талдау бұл адамдардың жаңбырлы орман экожүйесінде өмір сүргенін және кең аумақта қозғалып жүргенін көрсетті.
Демек, алынған нәтижелер Homo erectus-тың өмір сүрген хронологиясы туралы түсінікті елеулі түрде өзгертеді