Болгария Ғылым академиясының археологтары Тополовград ауданындағы Капитан-Петко-Войвода болгар ауылының маңынан б.з.б. ІІ ғасырдағы молат тапты; олжаны қазірдің өзінде елдегі эллинистік дәуірдің белгілі қорымдарының ішіндегі ең бай деп атап жүр

Мола жоғары дәрежелі фракиялық жауынгерге тиесілі болып шықты, оны өзінің соғыс атымен және көптеген асыл заттарымен бірге жерлеген.

Фракиялықтар қола дәуірінде пайда болған үнді-еуропалық халық. Фракиялықтар Балқанда өмір сүрген және тарихи тұрғыдан қазіргі Болгарияның басым бөлігін, сондай-ақ Греция мен Түркияның бөліктерін қамтитын аумақты мекендеген. Македония соғыстары кезеңіне (б.з.б. ІІІ—ІІ ғғ.) қарай олардың көбі Римге қызмет етті. Қызметі жер берумен марапатталды, бұл осы өңірлердің романдану үдерісіне жәрдемдесті.

Қорымнан жалатылған күміс гүл шоқ (фракиялық мәдениеттегі құрмет белгісі), күміс білезік, жүзік, бай әшекейленген фибула және тұтқасы алтынмен және асыл тастармен күптелген грек махайра қылышы табылды. Ат алтын, күміс және қола медальондармен безендірілген, оларда аңыздық көріністер, соның ішінде Геракл мен алып Антейдің шайқасы бейнеленген.