Адамдардың жүрегінен салқындықты байқадым, Бермәлім емес: махаббаттың ыстық лебін Берендейлерден көрмегелі қашан

Адамдардың жүрегінен салқындықты байқадым,
Аз емес; махаббаттың ыстық лебін
Берендейлерден көрмегелі қашан.
Олардан сұлулыққа қызмет ету жоғалды;
Жастардың көздерінен көрмеймін
Сиқырлы құштарлықтан жасаурағанын;
Терең күрсінетін ойшыл қыздарды көрмеймін.
Мөлдір көздерде махаббаттың
Асқақ сағынышы жоқ,
Көрінетіні мүлде басқа құштарлықтар:
Мақтаншақтық, өзгенің киіміне қызғаныш
Және тағы басқа. Үйленгендердегі салқындық
Тіпті анық байқалады: әйелдеріне, сұңқар көзді
Ғажайып сұлуларына,
Қолаң иықтардың бәкене аққудай
Әсем аппақтығына, берендей ерлері,
Ұйқышыл, немқұрайды қарайды.
Мен болсам... ах, кәрілік, кәрілік! Қайдасыңдар,
Ыстық сезім мен жиі ғашық болған
Өткен көңілді жылдар?
Махаббат дерті жаныма
Ғажап істер жасайтын еді: сонда бақытты Берендей
Мейірімді де нәзік болатын,
Кез келгенді айқара ашылған құшағына
Алуға дайын. Енді қартайдым, ағардым,
Бірақ бәрібір түсінбеймін: қалайша
Салқын болуға, сезімсіз қалуға болады
Алқызыл жүзді, толық кеуделі әйелдерді көргенде.
Бірақ шетке шықпайық,
Бұрынғыға оралайық. Ал әйелдер!
Күйеулеріне деген ыстық сүйіспеншілігін
Мүлде жоғалтты деуге болмайды,
Бірақ бәрібір ерлі-зайыптылық адалдық
Өзінің мызғымастығы мен күмәнсіздігін,
Былайша айтқанда, аздап жоғалтты.
Қысқасы, досым, жүрек салқындығы
Барлық жерде, жүректер мұздады,
Міне саған біздің бақытсыздықтарымыз бен
Суықтың жұмбағы: сезімдеріміздің қытымырлығы үшін
Біздерге Ярила-Күн ашуланады
Әрі қытымыр суықпен кек алады. Түсінікті ме?

Александр Островский, «Қарқыз қыз» («Снегурочка»)
Сурет: Борис Зворыкин

Жолма-жол аударма