Эдинбургтегі Холируд сарайындағы Куинс гэллери галереясында Рембрандт, Рубенс, Клод (Желле) және Ван Дейк туындыларымен қатар сол заманның белгілі әйел суретшілерінің бірі Артемизия Джентилескидің картиналары қойылады
Эдинбургтегі Холируд сарайындағы Куинс гэллери галереясында Рембрандт, Рубенс, Клод (Желле) және Ван Дейк туындыларымен қатар сол заманның белгілі әйел суретшілерінің бірі Артемизия Джентилескидің картиналары қойылады. Итальяндық суретшіні І Карл қолдады: ол оны Лондонға, сол кезде француз ханшайымы Генриетта Мария королеваға қызмет еткен атақты әкесі Орацио Джентилескиге қосылуға шақырған болатын. Орацио тіпті Сомерсет-хаустағы ұлы ханымның часовнясында жерленеді.
Артемизия Флоренциядағы Кескіндеме академиясының алғашқы әйел мүшесі, ер адамдарды әйелдердің өлтіруін бейнелейтін картиналардың авторы ретінде танымал. Оның Олоферннің басын кесіп жатқан Юдифін және ханаандық қолбасшы Сисараның самайына шеге қағып жатқан Иайльді сіздер, сірә, жақсы білетін шығарсыздар.
І Карл патшаға арнап Артемизия Кескіндеме аллегориясы бейнесінде автопортрет салған, оны бүгінгі The Daily Telegraph газетіндегі суреттен көруге болады. Ең қызығы, картинаның аясында ханзада Чарльз тұр: егер ол бір кездері таққа отырса, ІІІ Карл есімімен билік етуі әбден мүмкін.
