Италияда Валерий Гергиевтің концерті тоқтатылды

27 шілдеде «Патша жазы» фестивалі аясында Гергиев Салерно қаласының Верди атындағы Филармониялық оркестрімен бірге, Мариинский театрының солистерінің қатысуымен өнер көрсетуі тиіс еді. Бағдарламаға Джузеппе Верди, Петр Чайковский және Морис Равельдің шығармалары енгізілген болатын.

Бұған дейін Еуропарламент төрағасының орынбасары, Италияның оппозициялық Демократиялық партиясының өкілі Пина Пичерно концертті тоқтатуға шақырған. Ол ресейлік өнерпаздардың қатысуымен өтетін іс-шараларды тоқтату үшін саяси қысымды бұрын да қолданған.

Ал Валерий Гергиевтің өзі өз концертінің тоқтатылғаны туралы хабарсыз екенін мәлімдеді.