1913 жылы бірқатар ағылшын тілді газеттерде Ұлы Сфинкстің ішінен храмдық сипаттағы бірнеше бөлме табылғаны туралы мақала жарық көрді

1913 жылы бірқатар ағылшын тілді газеттерде Ұлы Сфинкстің ішінен храмдық сипаттағы бірнеше бөлме табылғаны туралы мақала жарық көрді. Мәтінде басының да, денесінің де ішінде біршама үлкен бөлме бар екені, ал осы бөлмелердің бірінде кішкентай пирамидалар орнатылғаны айтылды. Мүсін ішіндегі бөлмелер мен өткелдердің суреті де берілді, мысалы, британдық The Sphere газетінің 1913 жылғы 27 наурыздағы нөмірінде жарияланған сурет. Бөлмелерді киелі орындар деп атап, египтологияның негізін салушылардың бірі профессор Джордж Рейснерге сілтеме жасап, оларды Күнге арнады. Мүсіннің ішіне кіретін есіктер бірнешеу деп мәлімделді: басында, артында және алдыңғы аяқтар тұсында.

Құпия храмдарды ашты делінген профессор Рейснердің өзі баспасөзде бұл жаңалыққа жоққа шығару жариялап, Сфинксте археологиялық жұмыстармен мүлде айналыспағанын және оған рұқсаты болмағанын мәлімдеді. Бәрі Космополитен журналындағы мақаладан басталды: Рейснер ол журналға Сфинкс туралы шынымен пікір берген, бірақ ешбір дүбірлі жаңалық туралы да, Сфинкстің ішінде храмдар, сондай-ақ Мысырдың тұңғыш perғауыны Менестің бейіті бар деген болжамдар туралы да сөз етпеген.

Алайда, жиі болатындай, жоққа шығару қоғамның жадында сақталмады.

Дүбірлі мақаладағы суреттерден бөлек, Сфинкстің ішіне кіріп, өздері барған камералар мен шахталарды сипаттайтын адамдардың куәліктері де үнемі пайда болып тұрады. Мүсінге кіретін есіктердің бар екенін растайтын бірнеше фотосурет те бар. Бірақ ғылым бұл деректер туралы хабарламайды.