Науқас Портленд герцогі 1807 жылы Ұлыбритания үкіметін басқарды

1807 жылы Портленд герцогі екінші мәрте қазынашылықтың бірінші лорды болып тағайындалды, сөйтіп іс жүзінде Ұлыбритания үкіметінің басшысы атанды. 69 жастағы премьер, жұрттың бір ауыздан айтуынша, аса абзал адам әрі үлгілі ақсүйек еді. Бірақ сонымен қатар ол қатты науқас, әрең жүрген жан болатын. Әдетте оны Пикадиллидегі сәнді үйдің ең шеткі бөлмелерінен табуға болатын: лауданумға тойғанша ішіп алып, мүлгіп жататын. Елді басқаруда, өздеріңіз түсінетіндей, одан пайда жоқ еді. Министрлердің біріне де кеңес бере алуы неғайбіл. Дегенмен кабинет оған үлкен құрмет пен ілтипат көрсетіп, қожайын ұйықтап жатқанда, Портленд резиденциясында үнемі жиналып тұрды. Рас, негізінен бұл жиындарда министрлер қызметшілердің ешқашан бас тартпайтынын пайдаланып, Берлингтон-хаустың аты шыққан жертөлелерінің шараптарын татып көретін. Тамаша үкімет, бізге де осындайы болса ғой!