Аңыз дүниеден өтті 😔
94 жасында Сесилия Хименес Суэко қайтыс болды. Ол 2012 жылы Элиас Гарсия Мартинестің 1930 жылғы «Ecce Homo» фрескасын әуесқой ретінде қалпына келтіргенімен танылған еді.
Испаниялық шағын Борха қаласындағы (Сарагоса провинциясы) Мейірім шіркеуінің фрескасын қалпына келтіру қажет болғанда, жергілікті әже өзін суретші деп таныстырып, өз қызметін ұсынды. Оның еңбегінің нәтижесі бір жағынан адамдарды үрейлендірсе, екінші жағынан ешкімге белгісіз өнер туындысы мен шалғайдағы провинциялық қаланы әйгілі етті.
Нәтижесінде әйел талантының жоқтығы мен ізгі ниеті арқасында дүниежүзіне әйгілі тұлғаға айналды.
Ал Мәсіхтің хайуанға ұқсас бейнесі сонша аты шығып кетті, Борхада сәтсіз қалпына келтірілген фрескаға арналған мұражай ашылды. Қаланың өзі көптеген жол көрсеткіштерге енді, жүздеген мың туристің назар аударар жеріне айналды. Шедеврді көру үшін бір еуродан алына бастағанын ескерсек, Хименесті қолынан іс келмейтін әуесқой деп емес, өз қаласына бұрын-соңды болмаған танымалдық пен айтарлықтай экономикалық пайда әкелген, табысты заманауи суретші деп атау әділдеу. Алғыс білдірген қала тұрғындары оның құрметіне Халықаралық өнер байқауын құрды.
