Béton визуалды мәдениет орталығы жаңа жоба – «Алғашқы фотографияның шедеврлері» туралы хабарлады
Béton визуалды мәдениет орталығы жаңа жоба – «Алғашқы фотографияның шедеврлері» туралы хабарлады. 29 тамызда ашылатын көрмеде XIX ғасырдың көрнекті фотографтары Дэвид Хилл мен Роберт Адамсонның, Эдуард Бальдюдің, Анри Ле Сектің, Гюстав Ле Грейдің және шығармалары әлемнің жетекші мұражайлары мен жеке жинақтарының қорына енген өзге де шеберлердің бірегей туындылары қойылады.
Сол кезде жасалған жұмыстардың сюжеті жағынан да, техникалық тұрғыдан да алғаш рет жасалғанын ұғыну маңызды. Фотографиялық визуалдылық тілінің негізін қалаған дәл осы авторлар болатын.
Ле Грейдің пейзаждық фотографиядағы фотомонтаждың бастауын салған «Судағы бриг» атты фотографиялық маринасы, сондай-ақ «Т. Шнайдер және ұлдары» ательесінің қолмен боялған стереодагеротиптері ерекше қызығушылық тудырады: оларда Санкт-Петербургтегі Литейный проспектісінде орналасқан Зинаида Юсупова сарайының интерьерлері көрсетілген
