Гастингс шаңғымен тамашалауға болатын заманауи өнер галереясын жоспарлап отыр

Netflix-тің тең құрылтайшысы, байлығы 4,7 млрд долларға бағаланатын Рид Гастингс жуырда сатып алған, Юта штатындағы Иден қаласында орналасқан, ауданы 3433 гектар Powder Mountain курортының шаңғы беткейінде тура суретхана ашпақ.

Картиналарды шаңғыны шешпей-ақ, сөзбе-сөз слалом кезінде тамашалауға болады деп жоспарланған. Демек, бұл әлемдегі алғашқы шаңғымен аралайтын көркемөнер мұражайы болмақ, сөйтіп бір туындыны қарауға орта есеппен жұмсалатын 30 секунд, шамасы, ондаған есе қысқарады.

Гастингс жаңа суретханада Джеймс Террелл, Нэнси Холт, Дженни Хольцер және басқа да заманауи суретшілердің жұмыстарын көрсетпек. Жазда және күзде туристерге кіру тегін болады