Біз бүгін сәнді өмір туралы сөйлеп жатқандықтан, міне, жайлы сапарға деген махаббат туралы бір оқиға
Ватерлоодағы жеңілістен кейін Наполеон пруссия армиясының екпінді шабуылынан шегініп бара жатқанда, Женапп қалашығында алты ат жегілген күймесін тастап, атқа қонып, атты егерьлердің қасында зытып беруге мәжбүр болды. Аттар, зеңбіректер, әскери мүлік, қымбат заттар: французлар бәрін асығыста тастап кетті. Нәтижесінде пруссиялықтар тіпті императордың мөрлерін, ордендерін және Бонапарттың жол күймелерін де қолға түсірді.
Орыс жорығы кезінде жайлы жүру үшін Наполеон сән-салтанатты күймені бельгиялық шеберлерге жасатқан. Бір ғана күймеге мыналар сыйған: зор кітапхана, алтын сервиздерді сақтайтын шкафтар, жуыну-тазалану бұйымдарына арналған сөрелер, жиналмалы металл кереует пен қой жүнінен жасалған көрпе-төсегі бар ұйықтайтын орын, киім-кешек пен қаруға арналған орын және тағы басқа да көптеген жағымды, әрі міндетті емес ұсақ-түйек.
Қолға түскен Наполеонның жорық күймелерінің бірі фельдмаршал Блюхерге бұйырды, қазір ол Мальмезонда сақтаулы. Екіншісі Лондонға түсіп, мадам Тюссо мұражайынан орын тепті, сол жерде 1925 жылы өртеніп кетті.
Ал енді, бишара емес, іскер ағылшындар Наполеонның «лондондық» жорық экипажының көшірмесін жасады, ал лорд Байрон сол көшірмені 500 фунт стерлингке сатып алып, императорға лайық сән-салтанатта ғана саяхаттайтын болды.
