Пруссия королі І Фридрих Вильгельм өз полкіне, яғни Аса мәртебелі патшаның полкіне, ең биік бойлы жаңа әскерлерді жинайтын
Пруссия королі І Фридрих Вильгельм өз полкіне, яғни Аса мәртебелі патшаның полкіне, ең биік бойлы жаңа әскерлерді жинайтын. Бұл полктың сарбаздарының ең аз бойы 1 метр 88 сантиметр болды, сондықтан бұл құрама Потсдам алыптары деген атпен белгілі болды. І Фридрихтің ең биік жігіттерінің бірі бойы 2 метр 17 сантиметр ирландиялық еді.
Полкте әртүрлі елдердің еркектері қызмет етті, оларды достас елдердің билеушілері сыйға тартатын. Пруссия королінің құмарлығын білетін І Петр 248 сау-сәлемет еркек сыйлап, тағы 152 алыпты қызметке берді. Анна Иоановна тағы 80 адам жіберді. Тек Елизавета Петровна ғана сол кезге дейін аман қалған орыс алыптарын өз отанына қайтаруды талап етті.
Фридрих бұл туралы қарапайым айтатын: «Дүниедегі ең сұлу қыз немесе әйел мен үшін бәрібір, ал биік сарбаздар — менің әлсіз тұсым».
Бұл полкте биік еркектермен не істелді? Біреулер олардың көбі дәл өздерінің ұланғайыр бой-сымбатынан қызметке жарамсыз болған деп санайды. Жігіттермен қалай қарым-қатынас жасалғанын айту қиын, бірақ олардың көбі өз тағдырымен келісе алмай, өз-өзіне қол жұмсап өмірін қиды.
