Серб шіркеуі Македония шіркеуімен қарым-қатынасты қалпына келтіріп, оның автокефалиясын мойындады

Сербия православ шіркеуінің предстоятелі Патриарх Порфирий Македония шіркеуінің автокефалиясы туралы жариялады.

Бір апта бұрын Сербия епископтарының Соборы Македония Православ Шіркеуімен канондық қарым-қатынасты қалпына келтірді. Бұл қарым-қатынас 1967 жылы македониялық епископтар өздерінше автокефалия жариялаған кезде үзілген еді. Міне, 55 жылға созылған бөліністен кейін Македония шіркеуімен қарым-қатынасты алдымен Константинополь Патриархатының Қасиетті Синоды, кейін Сербия шіркеуінің Соборы қайта бастады.

Санаулы күннің ішінде Сербия шіркеуі Македония шіркеуін алдымен Сербия Патриархатының құрамындағы автономиялы орган ретінде, ал сосын автокефалиялы Шіркеу ретінде мойындады.