Берниниң Колизейдегі шіркеу жобасы және мәrтірлер есі
Римдегі барокконың негізін салушылардың бірі, Әулие Петр алаңын салған ұлы мүсінші Джованни Бернини (1598-1680) Римнің тағы бір даңқты ескерткішінің құлдырауын көзімен көрді: XIV ғасырдан бастап Колизей аянышты күйде тұрды, жыл өткен сайын бұрынғыдан бетер күйрей берді. Біздің заманымыздың басында-ақ әлемге мәшһүр болғанына қарамастан, қаланың бұл символы кім қалай пайдаланса, солай пайдаланған, ешкімге керегі жоқ қаңырап қалған қирандыға көбірек ұқсайтын. Папалар Колизей қабырғаларынан сарайларға құрылыс материалын алды, үй-жайларын шаруашылық қажетіне бейімдеді. Климент IX (1667-1669) Колизейде селитра өндіруді бастады!!! Ол қайтыс болғаннан бірнеше жыл өткен соң Бернини Колизейде ауқымды құрылыс жасауды ойлады.
Колизейді қайта жаңғырту идеясы орта ғасырлардан бері ауада ілініп тұрған, ал XVI ғасырдың екінші жартысынан бастап ол неғұрлым байыпты пысықтала бастады. Атап айтқанда, Сикст V (1585-1590) Колизейде коммерциялық құрылыс бастауды көздеген. Бернинийдің бір ғасырға жуық уақыттан кейін айтылған идеясы христиан дінімен көбірек үндесетін еді. Сәулетшінің жоспары бойынша, арена ортасына қаны Колизей қабырғаларында да төгілген христиан мучениктеріне арналған шіркеу тұрғызу керек болды. Порталы бар сопақ пішінді шіркеудің суретін Бернинидің шәкірті әрі досы Карло Фонтана (1638-1714) салған. Алайда шіркеу еш уақытта салынбады.
Бенедикт XIV (1740-1758) Колизейде қаза тапқан мучениктердің есін мәңгі қалдыру үшін сәулетші Паоло Позиді (1708-1776) тартты, ол арена ортасына крест пен оның айналасына 14 құрбандық үстелін орнатты. Кешенді Мәсіхтің азабына арнады. XIX ғасырдың соңында бұл құрылыстар Колизейден алынып тасталады.
