Рим папасы І Франциск және бір жынысты жұптардың азаматтық одақтары 2010, 2014, 2017 жылдары

Понтификтің деректі фильмдегі сөзін соншалықты дүрбелең туғызарлық деп санау керек пе? Бұл оның кемінде үшінші ұқсас сөзі. Және назар аударыңыздар: Рим папасы бұл жолдардың бәрінде де неке мен билік таныған одақты анық ажыратады, ал біз оларды асығыс араластырмауымыз керек.

2014 жылы ол әртүрлі елдердегі азаматтық одақтар туралы заңдарды қабылдау тақырыбына тоқталып, бұл бір жынысты жұптарға құқық берілуіне ықпал етеді деген болатын. 2017 жылы француз жазушысы Доминик Вольтонмен әңгімесінде І Франциск бір жынысты некелердің орнына азаматтық одақтар туралы сөйлесуді ұсынды. Сондай-ақ біз 2010 жылы кардинал Бергольо Аргентина билігінің жоғарғы эшелондарында бір жынысты некеге рұқсат беру жөніндегі келіссөздердің басты қатысушыларының бірі болғанын және дәл азаматтық одақ туралы заңды қабылдауды талап еткенін білеміз. 2010 жылғы шілдеде Аргентина бір жынысты некені заңдастырған алғашқы латынамерикалық ел және әлемдегі оныншы ел болды.

Әрине, Рим папасының өз билігі барысында инклюзивтілікке осындай екпін жасауы орасан зор гуманитарлық серпіліс. Алайда мұның біздерді жерге түсіретін, өте түсінікті түсіндірмесі бар: шіркеу қолынан келгенше саны үнемі азайып бара жатқан сенушілері үшін күресіп, жаңа моральдық-этикалық сын-қатерлерге қолынан келгенше қарсы тұрып, заманауи қоғамның талаптарына жауап беруге тырысады. Құдайға шүкір, осындай консервативті институттың ұстанымдары аборт, ажырасу, әйелдер құқықтары, діни қызметкерлердің некесі, әйелдерді қасиетті дәрежеге көтеру және, әрине, бір жынысты қатынастар мәселелері бойынша бірте-бірте өзгеріп келеді, бірақ алда әлі де өте ұзақ жол бар.