1794 жылы Ресейде болған жапон теңізшілерінің нұсқасындағы «Мыс салт атты»
Иллюстрация жапон қолжазбасы «Канкай ибунның», яғни «[Жерді] қоршаған теңіздер туралы таңғажайып мәліметтердің» 11-ші орамында орналасқан. Қолжазба 1805 жылы орыс елшілігімен бірге Жапонияға қайтарылған теңізшілерді жауап алу нәтижесінде жазылған.
«Вакамия-мару» сауда кемесі 1793 жылдың соңында Исиномакиден Эдоға жүзіп шықты, бірақ Алеут аралдарына қарай ығыстырылып кетті. Аман қалған теңізшілерді орыс-америка компаниясының мүшелері құтқарып, Охотскіге жеткізді. Охотскіден олар Якутскіге, одан Иркутскіге барып, онда 8 жыл тұрды. Олардың төртеуі І Александрдың рұқсатымен Рязанов елшілігіне қосылып, Жапонияға аттанды.
