Әйелдерге арналған ағылшын шомылу машиналары және олардың XIX ғасырда Еуропаға таралуы
Шомылу машиналары, әрине, ағылшындардың өнертабысы. XVIII ғасырдың соңында ізгіліктің жанашырлары әйелдерге теңіз жағасында абыройын да, көзге көрінер ибасын да жоғалтпай демалудың осындай тәсілін тапты. XIX ғасырдың ортасына қарай, викториандық кезеңнің гүлденген тұсында, оңашада шомылуға арналған машиналар бүкіл Еуропаға тарады. Арнайы шомылу костюміндегі әйелді, көбіне бұл кринолиннен аумайтын, әрі міндетті түрде жерге дейін жететін көйлек еді, дәл осы машинамен тура суға жеткізетін, оны аттар немесе арнайы жүк тасушылар итеріп апаратын. Жағдайына қарай ханымға суға түсуге көмектесетін және оны батып кетуден ұстап тұратын басқа әйелдер еріп жүретін, ал кейде оны белдігінен машинаның өзіне жай ғана арқанмен байлап қоятын: болмай қалса, батып кетпесін дегені ғой. Әрине, XX ғасырдың басына қарай жүзу сәні өзгеріп, шомылу машиналары еуропалық жағажайларда сирек кездесетін болды. Дегенмен, кім білсін, адамзат осы ерекше идеяға әлі оралып жүрмес пе?
