Американдық Forbes-тың контрибьюторы, тарихшы әрі Айова университетінің оқытушысы Сара Бонд XVIII ғасырдың қара классигі Фрэнсис Вильямс туралы шағын жазба жазды
Американдық Forbes-тың контрибьюторы, тарихшы әрі Айова университетінің оқытушысы Сара Бонд XVIII ғасырдың қара классигі Фрэнсис Вильямс туралы шағын жазба жазды. Оның айтуынша, Ямайкадан шыққан бұл ғалым математиканы білуімен және латынша өлең шығарудағы шеберлігімен танылған.
Вильямс өз заманының біртуар адамы болғаны рас, кем дегенде тағдыры өте қызықты, оның портреті Виктория және Альберт мұражайында сақталған.
Вест-Индиядағы Сент-Люсия және Сент-Винсент аралдарының губернаторы, екінші герцог Монтегю әлеуметтік эксперимент жасауға бел буды: қарапайым ямайкалық жігітті гимназия мен университетте оқытып, соңында оның білім деңгейі сондай білімі бар ақ адамның деңгейіне сай келе ме, соны салыстырмақ болды. Уильямс Кембриджге осылай түсіп, онда математика мен латын тілін оқыды. Алайда оның ақыр соңында дәреже алғаны туралы деректер жоқ.
Нәтижесінде Фрэнсис Вильямс туған жеріне оралғанда, өз ағайын-жұрағына іштей нәсілшілдік танытып, тіпті ақтардан да артық төзімсіздік көрсетті. Осының арқасында ол отаршылдық әкімшілікке сіңісіп кетіп, тіпті мансап жасап үлгерді. Ал ақындық дарынға және қара классиктер қатарына қосылуға негіздеме болатын болса, бізге дейін оның БІР ҒАНА өлеңі жетті! Сіздің ойыңызша, осындай бас айналдырарлық шығармашылық жол адамды классик етеді ме?
