Римдегі Марк Аврелий бағанасы және Кассий Дион сипаттаған жаңбыр сюжеті

Римдегі Марк Аврелий колоннасы. 193 жылы император Марк Аврелийдің маркоман соғысындағы жеңісін құрметтеу үшін орнатылған.

Мәрмәр колоннаның өзінің биіктігі 29,6 м, тұғырының биіктігі 10 м, ескерткіштің бастапқы биіктігі бүкіл 42 метрге жуық болған, тұрақтылығы артсын деп колоннаның постаментін бірнеше метр терең көмуге шешім қабылдаған.

Бағананың төбесінде Апостол Павел тұр.

Колоннаның басты көркемдік құндылығы: Марк Аврелийдің әскери өмірбаяны көріністері бейнеленген спираль тәрізді барельеф. Оның шарықтау шегі саналатын жаңбыр сюжеті жұрттың бәрі мойындағандай, ғажайып құбылыс ретінде тарихшы Кассий Дион жазбасында сипатталған:

«Іс мынада: квадтар оларды осыған қолайлы жерде қоршап алды, ал римдіктер қалқандарын тұтастырып, қаhармандықпен шайқасты; сонда варварлар шайқасты тоқтатты, олар ыстық пен [римдіктерде] судың жоқтығы арқасында жеңіске оңай жетемін деп ойлап, барлық [биіктерді] иемденіп, оларды төңіректен қамап тастады, сөйтіп олардың ешқайдан су алуына мүмкіндік қалмады: варварлар сан жағынан көп есе басым болатын. Міне, римдіктер шаршаудан, жарақаттан, күннен және шөлден қиналып, аса жаман жағдайға түскенде, сол себепті шайқасты да жалғастыра алмай, шегіне де алмай, бірақ аптаптан күйіп, өз позицияларында сапта тұра бергенде, кенеттен үлкен бұлттар жиналды да, құдайдың қалауынсыз емес, қатты нөсер төгілді. Марктің қасында жүрген египеттік сиқыршы Арнуфий жады тәсілдерімен түрлі құдайларды, әсіресе әуе стихиясының иесі Герместі шақырып, солардың көмегімен жаңбыр жаудырған деген әңгіме бар».

Әртүрлі авторлар бұл ғажайыптың әртүрлі себептерін атайды: біреулер египеттік абыздың әрекетін, біреулер императордың Юпитерге жасаған дұғасын немесе халдейлік сәуегейдің жадысын, ал біреулер XII легионның христиандарының дұғасын көрсетеді, мен соңғысына көбірек сенімдімін.