Петрус Кристустың 1449 жылғы картинасындағы әулие Элигий мен Годеберта
Біреудің селфиіндегі шағылысқа байқаусызда түсіп қалғанда. Нидерландтық Петрус Кристустың 1449 жылғы белгілі картинасында зергерлердің қамқоршысы, ІІ Хлотар патшаның франк сарайында зергер болған, VII ғасырда Нуайон епископы атанған әулие Элигий мен сатып алушы бейнесіндегі әулие Годеберта бейнеленген деп саналады. Элигий қолында жүзік ұстап тұр, бәлкім, неке жүзігі шығар, ол Годебертаға арналған, әулие қыз сол жүзіктің көмегімен Мәсіхпен некелесіп, монах әйел болды да, Нуайонда өз монастырін құрды. Элигий адалдығымен танылды: тапсырыс берушілердің толық салмақты алтын кесектерінен мінсіз әшекейлер жасады, шеберлікпен жасалған реликварийлер мен әулиелер сүйегіне арналған сандықтардың жасаушысы ретінде даңққа бөленді, Сен-Жермен бейітіндегі барельефтердің авторы ретінде тарихқа енді, бүкіл мал-мүлкі мен байлығын жарлыларға таратып, жалпыға ортақ сүйіспеншілікке ие болды.
