Италиялық және испандық БАҚ Рим папасы XIV Лео Апостол сарайындағы папалық резиденцияны қалпына келтіру туралы шешім қабылдағанын растап отыр
Еске салайын, Рим папасы Франциск Ватикандағы Әулие Петр соборына жалғасқан, конклавқа келетін кардиналдардың тұруына арналған Әулие Марфа үйінде өмір сүріп, сонда қайтыс болды.
Сайланғаннан кейін Франциск Апостол сарайына көшуден бас тартып, Әулие Марфа үйіне орналасты. Айтпақшы, бұл қазіргі конклавта біраз кедергі туғызды: конклав қатысушыларына қонақүй болуға тиіс ғимараттың тұтас бір қабатын папа иемденіп келген еді.
Францисктің тағы қандай жаңашылдықтары XIV Лео тұсында жойылатынын көре жатармыз. Ең болмағанда балықшы сақинасы қайтадан алтыннан болуы мүмкін, жалатылған алтыннан емес. Әрине, VI Павел бас тартқан папалық тиараны қайтарса да артық болмас еді.
