Альтдорфер картинасындағы Александр Македонский мен ІІІ Дарийдің Исс шайқасы

Македонский Александр мен парсы патшасы ІІІ Дарий әскерлерінің Исс түбіндегі шайқасы. Альбрехт Альтдорфердің XVI ғасыр басындағы картинасы. Александр бұл шайқаста жеңіске жетіп, өзінің кейінгі жорықтарына жол ашты.

Картинаның жоғарғы жағындағы тақтайшадағы жазуда: «Ұлы Александр парсылар қатарындағы 100 000 жаяу әскер мен 10 000-нан астам атты әскер өлтірілгеннен кейін Дарийді жеңді. Патша Дарий 1000-нан аспайтын салт аттымен қашып құтыла алды, ал оның анасы, әйелі мен балалары тұтқынға алынды» делінген.

Македонский Александрды оңай танып алуға болады: оның үстінде жарқыраған алтын сауыт. Ал македондықтар әскері Қасиетті Рим империясының тулары мен жалауларын көтеріп тұр. Бұл көрерменді суреткердің өз заманының шындығына жетелеп, өткен даңқты бүгінгі күнмен сабақтастыруға түсініксіз ишара жасағандай. Парсы сарбаздары шығыстық киім мен осман әскерінің үлгісіндегі сәлде киген.

Көріністің арғы жағында Парсы астанасы мен оның таяудағы күйреуін білдіретін қара Вавилон мұнарасы көрінеді. Полотно жазылған дүниежүзілік пейзаж жанры бір өзінде тұтас әлемді дәл осылай бейнелейді: бір аспанда ай мен күн, бір алаңда Парсы мен Македония.

Әр әскер тек әскер санымен ғана емес, шығын санымен де белгіленген, бұл болып жатқан оқиғаның апокалипсистік сипатын одан сайын күшейте түседі.