189 жыл бұрын Лондонда ағылшын корольдерінің көне резиденциясы, ортағасырлық Вестминстер сарайы өртеніп кетті

189 жыл бұрын Лондонда ағылшын корольдерінің көне резиденциясы, ортағасырлық Вестминстер сарайы өртеніп кетті. Суретші Уильям Тернер де, лондондықтардың көпшілігі сияқты, өрттің соңына дейін қарап тұрды. XVI ғасырдан бері Парламент отырысы өтетін сарай дерлік түгел жанып кетті.

Тернер қайыққа отырып, сурет салатын құрал-сайманымен жанып жатқан парламент ғимараттарына мүмкіндігінше жақындап барды да, әртүрлі тұстан акварельмен және қарындашпен эскиздер жасады. Нәтижесінде оның қолында Темзаның оңтүстік жағалауындағы жанып жатқан парламент ғимараттары бейнеленген бірнеше альбом қалды.

Вестминстердегі өртті Тернер «1834 жылғы 16 қазандағы лордтар және қауымдар палаталарындағы өрт» деген атпен екі үлкен майлы бояумен салынған суретте мәңгілікке қалдырды.

Парламенттің жаңа ғимаратын 6 жылда, 710.000 фунт стерлингке салу жоспарланған еді, алайда құрылыс 24 жылға созылып, 2.400.000 фунтқа түсті.