Аса құрметті Кифира митрополиті Серафим Грекия парламентінің бір жынысты некені заңдастыруға және бір жынысты жұптардың бала асырап алуына дауыс берген мүшелерін шіркеуден аластатты
Аса құрметті Кифира митрополиті Серафим Грекия парламентінің бір жынысты некені заңдастыруға және бір жынысты жұптардың бала асырап алуына дауыс берген мүшелерін шіркеуден аластатты. Бұл депутаттарға қасиетті тәубе нәсібін қабылдауға тыйым салу қазірдің өзінде грек епархияларының екеуінде, Пирей және Кифира митрополияларында күшіне енді.
Ораза Триодіне арналған үндеуінде Кифира митрополиті Серафим грек парламентіндегі оқиғалар «тәубе мен қайғының көз жасының өзендерін ағызып отыр» деп атап өтті:
«Біздің заманымыз шынында да көз жасына лайық, әсіресе асыра айтпағанда, қаралы жоқтауға лайық... Құдайды сүйетін Құдай халқы бүгінгі күндері жасалған құдайсыздыққа налып, күңіреніп отыр... «Құқықтар» билік құрып тұр, бірақ міндеттер туралы ләм-мим сөз жоқ... Партиялық саясат рухы Құдай Рухының бұйрығынан басым түсті».
Митрополит Серафим бір жынысты некеге дауыс берген депутаттар істегендеріне шынайы өкінетіндерін көрсетпейінше, тәубе нәсібін қабылдамайды және шіркеудің ресми мерекелік шараларына шақырылмайды деп мәлімдеді; олардың аластатылуы туралы мәселені Эллада шіркеуінің Қасиетті Синоды қосымша қарайды.
Осы уақытта Константинопольдегі патриарх Варфоломей үнсіз отыр.
