Швецияға қоныс аударған суретші Лотта және оның «Потсдам үстіндегі кеш» картинасы

«Потсдам үстіндегі кеш» картинасын суретші Лотта Лазерштейн 1930 жылы, нацистік партияның сайлауда 18% жинағанынан алған әсерімен салды.

Бұл адамдар билікке келгенде, Берлин өнер академиясына түскен және оны үздік бітірген алғашқы әйел Лоттаны, төрттен үш бөлігі еврей болғаны үшін, қуғынға ұшыратты, ал бұл картинаны «азғындаған еврей өнері» деп жариялады.

Бақытына қарай, Лотта ең сорақысынан аман қалды: Швецияға кетті, Германияға қайтып оралмады және өте ұзақ әрі бақытты ғұмыр кешті: 1898-1993 жж.

«Потсдам үстіндегі кеш» Лоттаның сүйікті картинасы еді, ол онымен ешқашан қоштаспай, өзімен бірге тасып жүрді де, жұмыс үстелінің үстіне іліп қоятын. Картинаның ортасында оның сүйікті натурщицасы әрі құрбысы Гертруда Роуз отыр, ол Лоттаның ізінше эмиграцияға аттанған. Айналасында Лоттаның достары. Бұл кеште олардың нені қайғырып отырғанын бәрі түсінеді. 2010 жылы Берлин ұлттық галереясы «Потсдам үстіндегі кешті» сатып алғанда, бұл режим халық жадынан өшірген көрнекті неміс-швед суретшісінің ұмытылған есімін қайтарудың алғашқы қадамы болды