Николай Волков-Муромцевтің естеліктерінде ол туып-өскен Хмелита туралы қызықты бір эпизод бар

Николай Волков-Муромцевтің естеліктерінде ол туып-өскен Хмелита туралы қызықты бір эпизод бар. Иеліктің аулысында Прокоп есімді су тасушы тұрған, ол 1799 жылы Грибоедовтардың крепостной шаруасы болып дүниеге келген. Прокоп жұрттың бәріне сүйкімді еді, ал XX ғасыр басындағы иелікке келіп-кетіп жүрген қонақтар одан XIX ғасырдағы Хмелита өмірі туралы көп сұрайтын. Ол Хмелита сарайының құрылысы мен тұрмысы, әр жылдардағы иелік қожайындарының өмірі жайлы құнды түсініктемелер беретін. Прокоп Александр Грибоедовты да есінде сақтаған. Қарт көнекөздің әңгімелерінің ішінде Наполеонның келгені, оның үйде түнегені туралы әңгіме де болған. «Ұзын бойлы, қап-қара бұйра шашты, бакенбардты, гусар мундирін киген еді», - деп сипаттаған Прокоп өзі көрген қолбасшыны. Бұл, әрине, кербез Мюраттың портретіне сай келеді: ол шынында да атты әскер корпусымен Бельск тас жолымен жүріп, Каменец түсынан Днепрден өткен. Ал шаруадан не сұрау бар, ол императорды маршалмен шатастырып алыпты.

ps Прокоп 112 жыл өмір сүрді және өмірінің соңына дейін еңбек етті