Каттеланның алтын унитазын Бленхейм сарайынан ұрлағандарға үкім шықты
Алтын унитазды ұрлауға қатысқандарға үкім шықты. Маурицио Каттеланның белгілі туындысы, қабырғаға банан жапсырған сол италиялық-америкалықтың «Америка» деп аталатын туындысы 2019 жылы мұражайдың өзінен ұрланған болатын.
2019 жылғы 14 қыркүйектің таңертеңгісін, сағат бесте, қылмыскерлер тобы ұрланған автокөліктермен Ұлыбританиядағы Бленхейм сарайының қақпасын сұғып өтті, онда сол кезде Каттеланның жұмыстарының көрмесі өтіп жатқан еді. Балғалардың көмегімен есіктерді бұзып, салмағы 100 келі унитазды бөліп алып, көлікке тиеді де, беймәлім бағытқа зым-зия жоғалды. Бүкіл операцияға бес минуттан сәл астам уақыт кетті. Тонаудың жоспары онша сәнді болмағанымен, ең болмағанда, жылдам екені анық.
Унитаз ұрыларының тобы көптеген із қалдырып, көп ұзамай қамауға алынды, алайда шамамен алты миллион доллар сомасына сақтандырылған унитаздың өзі әлі табылған жоқ. Қылмыскерлердің біріне төрт жыл, екіншісіне 27 ай бас бостандығынан айыру жазасы тағайындалды.
