Англиядағы Аналар жексенбісі және Англикан шіркеуіндегі Ұлы ораза
Православиелерде Ұлы ораза ертең басталады, ал Англикан шіркеуінде биыл 14 наурыз Ұлы оразаның ортасы болып табылады, ол дәстүр бойынша Аналар күні ретінде аталып өтіледі. Аналар жексенбісі Англияда XVII ғасырдан бері Ұлы оразаның төртінші жексенбісімен сәйкестендіріледі, бұған дейін ана мерекесі наурыздың үшінші жексенбісінде аталып өтілетін: мұны ортағасырлық Англияның ең ұзақ билеген королі ІІІ Генрихтің өзі бұйырған, осылайша ол 14 бала туған анасы Изабелла Ангулемскаяның есімін мәңгілікке қалдырған, ал Изабелла Анна Ярославнаның шөбересінің шөбересі болатын. Аналар жексенбісін қоспағанда, Англияда Ұлы ораза қазіргі күндері көзге онша түсе бермейді. Тек Кентербери епископының оразаға байланысты мәлімдемелері жиі-жиі естіліп қалады: ораза күндері электр қуатын пайдалануды шектеп, көмірқышқыл газы шығарындыларын азайтуды немесе оразаны жеңіл және көңілді өткізуді өтінеді.
