Тек соңғы екі жылда Римдегі Колизейде вандализмнің 40 жағдайы тіркелді

Тек соңғы екі жылда Римдегі Колизейде вандализмнің 40 жағдайы тіркелді. Міне, ақыры қала билігі 1946 жылдан бері қолданылып келе жатқан, елорданың тәртібін реттейтін заңнаманы жаңартты.

Жаңа ережелер полицейлердің көмек көрсетуіне де, вандализммен және тиіссіз мінез-құлықпен күреске де қатысты. Түрлі құқық бұзушылық үшін айыппұл мөлшері 160-тан 450 еуроға дейін, мысалы, тарихи субұрқақтарда шомылғаны немесе субұрқақтардың құрылымдарына өрмелегені үшін. Егер бірден төлесе, айыппұл мөлшері едәуір аз болады. Тарихи орындарға, ескерткіштерге немесе шіркеулерге зақым келтіргені үшін 400 еуро. Көшеде алкоголь сатқаны мен ішкені үшін 160-400 еуро. Оған қоса, құқық бұзушылардың қылмыс жасаған ауданға 48 сағаттан 60 күнге дейін оралуына уақытша тыйым қолданылады.

Мэр қала қорғау заңдарына енгізілген түзетулер Мәңгілік қаланың қазыналары мен тәртібінің толық қауіпсіздігін қамтамасыз етеді деп есептейді.

ps субұрқақ тостағанына сүйенуге, шынтақтап тірелуге және аяқты қоюға тыйым салынбаған)