Бүгін Рим кинофестивалінде І Франциск Папа туралы «Франциск» деректі фильмінің премьерасы өтті

Бүгін Рим кинофестивалінде І Франциск Папа туралы «Франциск» деректі фильмінің премьерасы өтті. Және осы фильмде Папаның бір жыныстағы одақтарды қолдағаны туралы сөздер айтылды. «Гомосексуалдар Құдайдың балалары және отбасы құруға құқылы. Біз [гомосексуалдардың] азаматтық одақтары туралы заң шығаруымыз керек. Осылайша, олар заңмен қорғалады. Мен осыны жақтаймын». Бұл сөздердің 1990-жылдары АҚШ-қа қоныс аударған, Қазаннан шыққан режиссер Евгений Афинеевскийдің фильмінде айтылуы қызық. «Франциск» фильмі папалық пен Папаның соңғы жеті жылдағы өмірі туралы, сондай-ақ Франциск ерекше атап өтетін негізгі мәселелер туралы баяндайды: табиғатты қорғау, кедейлік, көші-қон және теңсіздік. Ал, бүгінгі күн шіркеудің ЛГБТ адамдарды қолдауы мен әлемдегі гомофобияға қарсы тұруындағы маңызды қадам болды. І Францискіңің сөздерін БҰҰ Бас хатшысы Антониу Гутерриш қолдап үлгерді. Жалпы, Папа бұрын да инклюзивті сипаттағы мәлімдемелер жасап, гейлерді қолдауға тырысқан, ал мұндай ұстанымды ол әлі Буэнос-Айрестің архиепископы болған кезде де ұстанған.