ІІІ Карл королі мен Камилла патшайымының тәж кию рәсіміне шақыру қағазы пұтқа табынушылық Жасыл адам бейнесімен безендірілді

Шақыру қағазының ортасына Жасыл адамның басы орналастырылған, бұл ортағасырлық сәулет пен өнерде және фольклорда кеңінен белгілі мотив.
Ортағасырлық қолжазбалардан немесе ғибадатханалардан жапырақпен түгел көмкерілген, аузынан лиана шығарып тұрған немесе бет-жүзінің әр тесігінен өскін көрсеткен ер адамның бастарын сіз де көрген боларсыз. Міне, бұл Жасыл адам еді.

Оны кейде жабайы адам немесе орман адамы деп те атайды: ол ежелден табиғат пен орман күштерімен байланыстырылатын аңызға айналған жаратылыс. Жасыл адам тек ежелгі ағылшын мәдениетінің ғана бөлігі емес, дегенмен Англияда оның культін Жасыл Джекпен де, даңқты рыцарь сэр Гавейннің тұлғасымен де, ең батыл зерттеушілер тіпті Питер Пэнмен де байланыстырады.

Жасыл адамға табыну біздің заманымыздың басында Кіші Азияда пайда болған деп есептеледі. Жасыл адамның оңай танылатын, өте сипатты нышаны Үндістанның, Ливанның, Ирактың, Иерусалимнің ІІ-ХІ ғасырлардағы ғибадатхана сәулетінде кездеседі. Жасыл адамның бейнелері Германияда, Солтүстік Европада, Исландияда және Англияда таралған.

Менің ойымша, Англияның жаңа заманғы тарихындағы басты оқиғаның символикасы деңгейінде ежелгі пұтқа табынушылық культтерге жүгіну өте қызықты белгі. Кім білсін, друидтер сословиесінің қайта жаңғыруы да алыс емес шығар