Франция үкіметі отарлау дәуірінде әкетілген өнер туындыларын шыққан елдеріне қайтаруды жеңілдетуге бағытталған заң жобасын ұсынды, деп жазады Артгид
Франция үкіметі отарлау дәуірінде әкетілген өнер туындыларын шыққан елдеріне қайтаруды жеңілдетуге бағытталған заң жобасын ұсынды, деп жазады Артгид. Заң қабылданған жағдайда, 1815-1972 жылдар аралығында заңсыз иемденудің салдарынан өз мұрасынан айырылған мемлекеттерден шыққан, Францияның ұлттық жинақтарындағы заттарды қайтару рәсімі жеңілдейді.
Құжат «ұрлық, тонау, күшпен, зорлықпен мәжбүрлеп немесе мұндай өкілеттігі жоқ адамның атынан берілген не сыйға тартылған» себептен Францияға түскен заттарды қайтару мүмкіндігін көздейді. Қазіргі уақытта ұлттық жинақтағы әрбір заттың қайтарылуы туралы шешім жеке тәртіппен қабылданады.
Бұл заң жобасы мемлекеттік жинақтардан мәдени құндылықтарды алу және қайтару процесін жеделдетуге бағытталған үш сатылы заңнамалық бастаманы аяқтайды. Алдыңғы екі заң, яғни нацистер тәркілеген мүлікті қайтару және адам сүйектерін қайтару туралы заңдар 2023 жылы қабылданған.
