Поп-арт стиліндегі «билеуші ханшайымдар»

Поп-арт стиліндегі «билеуші ханшайымдар». Нидерландыдағы Хет Лоо сарайында Энди Уорхол 80-жылдардың ортасында жасаған тақтағы әйелдердің портреттер топтамасы көрсетілді. Ол кезде монархияларды төрт ханшайым басқарды: Елизавета – Біріккен Корольдік, Беатрикс – Нидерланды, Маргрете – Дания және Нтфомби – Свазиленд, қазіргі Эсватини. Олардың бәрі тақка туған құқығымен отырды және билікті күйеулерімен бөліспеді. Оларды американдық суретшінің алдына жеке өзі отырудан бас тартқаны да біріктірді: жалпыға қолжетімді фотосуреттерді пайдалануға тура келді.

Суретші өзінің «Билеуші ханшайымдарына» жеткілікті баға берілмеді деп есептеді. Бұл пайымды бірнеше күн бұрын Нидерландыдағы басқа қаланың, Ойстервейктің галереясынан осы топтамадан екі трафареттің ұрлануы жоққа шығарды. «Голландиялық арт-дилер бұл топтаманы осы жерде, біздің сарайымызда көрсеткісі келді. Ал бұл портреттер жасалғаннан небәрі екі жылдан кейін біздің коллекцияға сатып алынды. Енді біз Еуропадағы «Билеуші ханшайымдардың» толық жинағы бар жалғыз мұражаймыз», – деп айтты көрме кураторы Ханна Кларенбек.