1930-жылдардағы соңғы голливуд дивасы Оливия Де Хэвилленд 103 жасқа толды
1930-жылдардағы Голливудтың қазір тірі жүрген соңғы кинодивасы Оливия Де Хэвилленд 103 жасқа толды. Оливия екі «Оскар» иегері және Британ империясы орденінің Дама-командоры. Айтпақшы, «Желмен ұшқандар» фильмінде ойнаған тірі актрисалардың ішіндегі соңғысы да осы кісі. 2018 жылы оның есімі Бетт Дейвис пен Джоан Кроуфордтың текетіресі туралы «Жаулық» атты эпикалық мини-сериалдың авторларына қарсы ұсынған талап-арызына байланысты жаңалықтарда аталды: оны жалған қырынан көрсеткені және есімі мен бейнесін рұқсатсыз пайдаланғаны үшін. Сіз Оливияны Анастасия туралы телефильмде ана императрица Мария Федоровна рөлінде еске алуыңыз мүмкін, сол рөлі үшін ол «Алтын глобус» алған.
Оливия Де Хэвилленд «Оскар» алған дива, Хичкок фильмдерінде ойнаған Джоан Фонтейннің апасы. Әпке-сіңлілер арасындағы бәсеке сондай қатты болды, олар бір-бірімен мүлдем араласпай кетті. Бұл туралы Джоанның белгілі сөзі бар: «Мен бірінші болып тұрмысқа шықтым, Оливиядан бұрын «Оскар» алдым, ал егер бірінші болып өліп кетсем, ол сөзсіз ашуланады». Солай болды да, Джоан 2013 жылы 97 жасында дүниеден өтті.
