АҚШ Азамат соғысы ардагерлерінің зейнетақысы жесірлері мен қызына 2020 жылға дейін төленді
Америка азамат соғысы (1861-1865) туралы бір кітапта мемлекет әскери зейнетақыны 1960-жылдарға дейін төлеп келгенін оқығаным есімде. Жүз жылдық кідіріс, әжептәуір.
Бірақ жуырда, 90-жылдары жазылған басқа бір кітаптан азамат соғысы сарбаздарының кітап шыққан сәтте тірі жүрген соңғы жесірлерінің бірімен сұхбат кездестірдім. Әйел соғыс ардагеріне тұрмысқа шыққанда күйеуі 70-те, өзі 19-да болғанын айтады. Ол жылдардағы Америкада мұндай неке сирек емес еді: заң бойынша күйеуі қайтыс болған соң ол әскери қызметкердің жесірі ретінде зейнетақы алады, сондықтан кейбіреулер мұндай одақтарды «зейнетақылық тойлар» деп атайды. Сұхбат алушы неге сол кезде қарттың соңынан тұрмысқа шыққанын сұрағанда, жесір әйел жас адамның күңі болғаннан гөрі қарт адамның қымбаттысы болған артық деп жауап берген.
Азамат соғысының ең танымал жесірлерінің бірі Хэлен Лонгстрит болды, аты аңызға айналған оңтүстікті генерал Джеймс Лонгстриттің екінші зайыбы: күйеуі 76-да, ол 34-те еді. Ол жүз жылға жуық сәнді өмір сүріп, 1962 жылы қайтыс болды. Бүкіл өмірінде генералдың жесірі ресми шараларның құрметті қонағы болды, қоғамдық қызметпен айналысуын жалғастырды, соғыс жылдары тылда еңбек етті, қайырымдылыққа көп қатысты, тіпті елді аралап, күйеуі туралы дәрістер оқыды.
Дегенмен USA Today-ге сенсек, 2020 жылдың жазында азамат соғысы зейнетақысын алған соңғы әйел дүниеден өтті. 90 жастағы Айрин Триплет ардагердің еңбекке жарамсыз баласы ретінде зейнетақы алып тұрған. Ол туғанда әкесі 85 жаста еді, сегіз жасында әкесінен айырылып, отбасын асырай алмайтын, психикасы ауытқыған шешесінің қарауында қалды. Екі әйел де өмірінің соңына дейін (тиісінше 1967 және 2020 жылы) мемлекеттің қамқорлығында болды. Рас, Айрин Триплеттің зейнетақысы айына $73.13 болатын.
Жалпы, мемлекеттің өз міндеттемелерінен бас тартпауының қызық мысалы. Дегенмен, жөнімен айтқанда, зейнетақыны индексациялауға да болар еді.
